Good News: Tuhi Camp 4 An Lak Khawh Cang Tiah Thei Si
Chin ralkap nih Camp pali an laak May 18, Chin ralkap hna nih camp fa pahnih le camp ngan pahnih a zapi camp li an laak cang tiah kan theih. Tonzang pengah camp khat le Tedim peng ah camp thum an laak. Chin ralkap hna caah mah le tikhawhnak lam cio in bawmhchanh i zuam hna usih, crd- salai William, thawng dang rel chap duh mi caah rel ding kan in peh piak chih hna relchap, Paletwa peng ah AA nih ralkap lut ding in min cazin a laak ca ah chin mino tampi nih paletwa cu an chuahtak.
Chin ramkulh, Paletwa peng ah Rakhine ralkap AA nih kum tling mi hna cu ralkap lut ding in min cazin laaknak a tuah hnu in ralkap luh a duh lo mi Chin mino tampi nih Paletwa cu chuahtak in an zaamtak, tiah theih a si. Paletwa peng an laak dih hnu in SAC ralhrang pawl an um ti loh tiin ukhruainak a kalpi tu Rakhine ralkap AA nih Paletwa peng chung ah kum 18 in kum 40 karlak pa hna cu ralkap training nan kai hnu in ralkap ah nan lut lai an ti hna kong cu Paletwa tualchung mi hna nih an chim.
Atu hi Kalachaung lei ahcun min cazin pawl an laak cang i AA sin ah ralkap nan lut lai an ti hna, pyithusit bantuk in ralkap training nan kai lai an ti hna” tiah a himnak ding ca ruah ruang ah min langhter a duh lo mi Paletwa tualchung mi pakhat nih Khonumthung ah a chim. A luancia April thla dihlei zong ah Paletwa peng, Kaladan tiva lei ah um mi tualchung mi mino 40 tluk cu India, Mizoram lei ah an zaam hna. Cu pin ah mi cheu cu Yangon khuapi lei ah an zaam hna, tiah theih a si.
Atu hi Paletwa ahcun SAC ralhrang pawl an um tilo nain AA nih minung a khawmhsuat hna, AA sin ah ralkap lut ding in min cazin an laak, a bik in mino hna an zaamnak a ruang cu mah caah a si” tiah Khumi mino pa pakhat nih a chim ve. Paletwa tualchung mi Pastor pakhat zong nih “Atu lio cu kan dirhmun a ṭha lo ngai, ṭuanvo ngeitu hna nih ṭha tein ṭuanvo an laak khawh lo ahcun miphun kar buainak zong a chuak kho mi dirhmun a si cang.
A tu hi mino hna cu an um ngam ti lo i a tam-u cu an chuak/zaam cang hna, kum upa deuh mi lawng an taang cang” tiah a chim. Rakhine ralkap AA nih Paletwa peng a laak hnu in ukhruainak a kalpi i Paletwa peng chung ah a lutchuak mi hna cu anmah (AA) theihpinak catlap an ngeih hnu lawng ah luhchuahnak nawl an pek hna, tiah theih a si.
Cu pin ah AA nih Paletwa peng, Mezar khua ah Bangladesh in Rakhine miphun pawl an umnak ding ca ah tiin innhmun a tuaktaan piak hna i innsaknak ding ca ah khua pakhat ah rua/mau 1,000 a laak ter hna, tiah tualchung mi hna sin in theih a si.
