Breaking News: Tonzaang Ah SAC Nih Thazang A Chiap Pinah Jet-Fighter A Phomh Rih + Video
Nihin chunhnu ah khuapi chung ah vanlawng in thazaang an chap lio kan hmuh. Zing zong ah Jet-fighter voihnih a ra i bomb a rak thlak” tiah tualchung mi pakhat nih a chim. Tonzaang peng, Cikha khua le Tonzaang khua chung um palik sakhan le SAC ralkap sakhan cu CNA le ṭangṭi phu nih May 15 in kah an rak thawk i nizan May 19 ah sakhan cu an laak hna. Tongzaang khua ah hin SAC ralkap aa thup mi tlawmpal an um caah CNA le ṭangṭi phu he an i kap pah rih, tiah theih a si.
Nihin tiang Tonzaang khua ah kahdohnak pehtlai in a um caah Tonzaang khua mi hna cu an zaam i cu bantuk in Cikha-Tonzaang mawṭaw lam cung um khua pawl zong an zaam hna, tiah tualchung mi chimnak in theih a si. SAC ralkap nih vanlawng in kahdohnak an tuah ruang ah ralkap sakhan le palik sakhan pawngkam inn pawl an rawk hna nain zeizatdah a rawh ti fiang in theih khawh a si rih lo.
Chinland Council ralkap hna kut chung ah Tonzaang khua a phak lo nakhnga SAC ralkap nih nihin May 20 ah Helicopter in ralkap thazaang tam nawn a chiah, tiah thawng kan theih. Tonzaang khuami pakhat nih, “SAC ralkap nih Tonzaang khua ah Helicopter pathum in ralkap tam nawn an rak chiah hna,” tiah Helicopter a ṭum lio video tawite he a langhter. May 16 ah Chinland Council ralkap hna nih Tonzaang khua cu doh hram an thawk i nizaan May 19 ah Tonzaang khuachung i palik sakhaan le ralkap sakhaan an laak khawh nain.
SAC ralkap pawl cu khuachung mipi inn ah hmunhma an laak rih caah pehzul in thianh an hau, tiah CNF/CNA chimnak nawlngei Salai Htet Ni nih Media hna sin ah a chim. Tonzaang peng chung ah a um mi Cikha khua tu cu nizaan May 19 ah Chinland Council ralkap hna nih tlamtling te in an laak khawh cang, tiah theih a si, https://www.facebook.com/miphundawtu123/videos/745260151021485 mah hi hmeh law video link hi a vide ana zoh khawh lai.
