Tonzaang Kahdoh Lio Bomb An Thlak Tam Ning Rak Zoh Tih Nung Ko + Video

CNA le ṭangṭi phu hna nih tonzang khuapi an laak dih cang i hriamthil tam ngai zong an laak chih khawh, Chin ramkulh, Tonzang khuapi cu nihin May 21 zing ah Chinland ralkap CNA le ṭangṭi phu hna nih an laak khawh dih cang i hriamthil 50 leng zong an laak chih khawh, tiah CNF/A in chimphuannak nawlngeitu Salai Htet Ni nih a chim. “Nihin 2024, May 21 zing ah Tonzang khuapi cu tlamtling tein an laak khawh cang, hriamthil 50 hrawng zong an laak chih, ralhrang cheukhat cu an zaam hna i pehtlai in an dawi hna liopi a si.

Tonzang khuapi ah SAC ralhrang pawl an thiang dih cang tiin chim khawh a si cang” tiah Salai Htet Ni nih a chim. Cu bantuk ṭhiam in May 19 ah Tonzang peng, Cikha khuapi um SAC ralhrang sakhan cu Chinland cozah ralkap hna a si mi CNA, CDFs hna nih an laak i May 21 zing ah Tonzang khuapi dihlak cu atu bantuk in tlamtling tein an laak khawh hi a si. A luancia May 15 thawk in kahdoh hram an thawk i nihin May 21 zing ah Tonzang khuapi cu tlamtling tein an laak khawh, tiah theih a si.

Kahdohnak caan chung ah SAC ralhrang lei thi mi le hliam pu mi an tam pin ah tlaih mi zong an um, SAC ralhrang nih chunglei kahdohnak zong a tuah chih, kahdohnak le chunglei in bomb a thlak mi ruang ah tualchung mi hna cu a himnak hmun kawl in ral an hrial hna, tiah theih a si. Thawng peh relchap, CNA hruainak in Chinland Council ralkap hna nih Tonzaang khua laak kahdohnak an tuah thawk in SAC nih Tonzaang khua cu vanlawng in voi 40 nak tlawmlo a kah caah Tonzaang khuami vialte an zaam dih, tiah Tonzaang peng ukhruaitu bu nih thawng a thanh.

SAC nih Tonzaang khuachung ah vanlawng in kahdohnak a tuah ruang ah Khawvom Laysan sang chung inn 30 leng an rawk i, Lungtak le Phaitu khua hna zong ah Biakinn tel in inn 10 hrawng an rawk. Nihin May 21 zinglei sml. 5:00 in zinglei sml. 9:30 tiang Tonzaang khuachung ah CNA hruai mi Chinland Council ralkap le SAC ralkap karlak ah kahdohnak a um tiah Tonzaang peng ukhruaitu bu nih a langhter chap.

Tonzaang khua cu nihin zinglei ah tlamtling te in kan laak cang. SAC lei miruak 10 hrawng kan char i meithal zun 50 hrawng zong kan laak,” tiah Salai Htet Ni nih a chim. Tonzaang peng chung kahdohnak ruang ah hin Tonzaang khuapi le a kiangkap khuate 15 hrawng in ralzaam 5,000 leng an um, tiah theih a si , mah hi https://www.facebook.com/keysknowledge/videos/1919409431830908 click piak law a video na zoh khaw lai.