Chin Brotherhood Nih SAC Palik Sakhan Le Penguk Zung An Laak Cang
Chinram, Matupi khuapi chung ah SAC ralkap le Chin hriamtlai phu unau(Chin Brotherhood) cu a luancia June 9 ni thawk in an i kap i kaphnih kar kahdohnak a fak, atu tiang an i kahdohnak ah Chin Brotherhood nih SAC palik sakhan le penguk zung an laak cang, tiah theih a si. Matupi khuapi chung kahdohnak ah hin Chin Brotherhood cu AA nih a bawmh hna i atu tiang ah SAC palik sakhan le penguk zung an laak cang i.
SAC ralkap pawl hnu an tolh, kaphnih kar kahdohnak a fak ngai i SAC ralkap nih vanlawng in bomb an thlak caah Matupi khuapi chung ah a rawk mi a tam ngaingai, tiah thawng laaknak hrampi nih an chim. A luancia June 9 ni thawk in Chin Brotherhood nih Matupi khuapi ah kahdohnak a kalpi i Yaw Army(YA) telh in hriamtlai phu dang he ṭangṭi in Matupi khuapi chung SAC ralkap sakhan kah hram kan thawk cang i kaphnih kar kahdohnak a fak ngaingai, tiah.
Chin Brotherhood nih nizan June 13 ah an thanh. Thawng peh rel chap, Matupi khuachung i palik sakhaan le penguk zung cu Chin hriamtlai phu nih an laak khawh cang, tiah theih a si. “Palik zung le penguk zung cu June 11 zinglei ah kan laak cang. Kha-La-Ya (304) hmunkhuarnak kan tuk lio a si,” CDF ralkap pakhat nih Mizzima ah a chim. Matupi khua cu June 9 ah kahdohnak hram kan thawk cang, tiah Chin Unau Phu nih nizaan June 13 ah khan thawngthanhnak an tuah.
Tualchungmi pakhat nih, “Matupi khua sungh lo ding in SAC ralkap zong timhtuahnak an ngei. Ralkap thazaang zong tampi an chap. Ralkap chungkhar pawl belte cu Helicopter in an laak hna i hmun dang ah an kalpi cang hna,” tiah a chim. Matupi kahdohnak ah CDF-Matupi briagde (1) in Salai Lai Thang Boi a nunnak a liam, tiah theih a si. Thawng dang rel chap, monywa, nitlak chaklei sac headquarter pawng um outpost sakhan cu pdf nih an kah caah ralhrang 20 tluk an thi, 5 an tlaih hna.
Sagaing ramṭhen, Monywa khuapi, nitlak chaklei SAC ralhrang headquarters pawng um outpost sakhan cu PDF nih luhhnawh in an kah hna caah ralhrang 20 tluk an thi, midang 5 an tlaihkhih hna pin ah meithal zuun 9 an laak chih, tiah Sagaing ramṭhen Pah-Kah-Phah chung in ṭuanvo ngeitu pakhat nih a chim. 2024, June 11 zanlei suimilam 5:00 tluk ah nitlak chaklei ramṭhen, SAC ralhrang headquarters in meng 1 tluk aa hlatnak ah umhmun khuarmi SAC outpost sakhan pakhat cu.
Yinmarbin peng Pah-Kah-Phah (ULF captain) hruai mi mipi ralkap ṭangṭi phu hna nih luhhnawh in minutes 30 tluk an kah hnu ah sakhan tlamtling tein an laak, tiah theih a si. SAC ralhrang thazaang 40 tluk umhmun khuarnak outpost sakhan ah ralhrang 20 tluk an thi, midang tampi hliam an tuar i sakhan chuahtaak in an zaam hna, tiah an langhter. Sakhan laak kahdohnak ah mipi ralkap ṭangṭi phu nih SAC ralhrang sin in meithal zuun 9 le hriamnam dang an laak pin ah midang 5 an tlaihkhih hna, tiah theih chih a si.
