Hakha Lei Thawngpang
Hakhathar Ah Innlo Chuahtak Lo Ding In HYO Nih Mizapi Sin Nawlnak An Tuah. Chinram, Hakha khuapi ah a luancia ni tlawmpal chung ah SAC ralkap le CC ralkap kar kahdohnak a chuak mi ruang ah innlo chuahtak lo ding in nihin June 28 ah Hakha Youth Organization(HYO) nih mizapi sin nawlnak an tuah. Kan hnulei te ah a cang mi kahdohnak ruang ah inn le lo chuahtak tim hlah usih. Kan inn le kan lo, kan dum kan hau kanmah nih kan i kilven lo ahcun ahohmanh nih an kan venpiak lai lo i a um ding tu kan um lo ahcun a um lo ding midang tu kan inn le kan lo ah an um sual lai. Kahdohnak hi kan hawile zong nih hrial khawh chung an kan hrialpiak mi a si ko.
Hakha khuapi chung biatak tein kah le lak an timh hlan cu kan inn le kan lo kanmahte nih hngak rih ko hna usih. Ṭhial le kaam kan hauh tik ah cun thawngthanh cio khawh tu kan i zuam te hna lai,” tiah Hakha Youth Organization(HYO) nih an thanh mi ah an langhter. A luancia June 24, zanṭim suimilam 2:00 hrawng ah khan Hakha khuapi, Hakhathar sang lam ruk tonnak Gate ah umhmun a khuar mi SAC ralkap le Chinland Council ralkap an i kap i, cu zan lila ah cun SAC ralkap nih khuachung ah datsi toih in inn thum ciam dih in an khangh, tiah theih a si.crd-the chin post.
Thawng dang: Geneva Convention Phung Buar Mi CC Ralkap Cheukhat Cu Chinland Council Nih Dantatnak An Pek Hna Lai. A luancia ni tlawmpal chung ah Online ah a viral mi video, Geneva Convention phung buar in a cawlcang mi CC ralkap cheukhat cu dantat an si lai, tiah Chinland Council nih nihin June 27 ah an thanh. Chinland Council ralkap cu Geneva Convention, ralkap zulhphung tang ah a um mi an si bantuk in tlaih cang mi ral thah a thian lo caah atu tan i.
SAC ralkap cung ah phung buar in a cawlcang mi cu ṭha tein kan hlathlai hna lai i dantatnak kan pek hna lai,” tiah Chinland Council nih an langhter. Chinram, Tonzaang khuapi kahdohnak ah Chinland Council ralkap nih sakhan an laak dih hnu hmunram thianhfelnak an tuah lio ah hliam a pu mi SAC ralkap pawl cu CC ralkap nih an ihnak hmun ah an fimhlawm hna lio video cu Online ah a viral caah atu bantukin Chinland Council nih cathanh an chuahnak a si.
