Ralhrang Pawl Captain Chit Hkine Telh In 12 An Thi
Tamnga khua phungki sianginn ah umhmun khuar mi sac an kah hna i captain chit hkine telh in 12 an thi Mandalay ramṭhen, Madaya peng, Tamnga khua phungki sianginn ah umhmun khuar mi SAC ralhrang pawl an kahdoh hna i SAC ralhrang lei in Captain Chit Hkine telh in 12 an thi, tiah Mandalay-PDF nih an thanh. Nihin 2024, May 10, zing suimilam 5:00 tluk ah PDF-Mandalay nih Madaya khuapi in meng 2 tluk aa hlatnak hmun Tamnga khua phungki sianginn ah umhmun khuar mi.
SAC ralhrang pawl cu luhhnawh in an kahdoh hna i minute 45 chung kahdohnak a chuah hnu ah tlamtling tein an laak khawh, tiah theih a si. Kahdohnak ah SAC ralhrang sin in Drone Jammer 1 le hriamthil tam ngai zong an laak chih khawh i Captain Chit Hkine telh in SAC ralhrang lei thi mi ruak 12 zong an hmuh pin ah a zaam mi ralhrang zong an tam ngai, hriamthil an laak mi lak ah Captain Chit Hkine sin in an laak mi.
Pistol cu ngakchia nih lentecelhnak ah an hman mi (Plastic meithal) a si” tiah an langhter. Cu kahdohnak ah Mandalay-PDF in minung 1 nih ram le miphun caah a nunnak a pek, tiah Mandalay-PDF nih cathanh an chuah mi ah an langhter. Thawng dang rel chap, panmalun khua phungki sianginn ah sac nih cunglei in bomb an thlak caah tualchung mi 20 leng an thi, ruak 16 leng an laak, Magway ramṭhen, Saw peng, Kyaikto station, Panmalun khua Phungki Sianginn ah.
SAC ralhrang nih raltuknak vanlawng in pawng 500 tluk a rit mi bomb an thlak caah motor kalnak lam kong ah ceihmainak tuah mi tualchung mi 20 leng an thi, tiah tualchung thawng laaknak hrampi Zaw A Lin chungin ṭuanvo ngeitu pakhat nih Khit Thit Media ah a chim. 2024, May 9 zing suimilam 11:00 tluk ah kahdohnak zeihmanh um lo in Saw peng, Kyaikto station, Panmalun khua Phungki Sianginn cu SAC ralhrang nih raltuknak vanlawng in pawng 500 tlun a rit mi bomb 4 an thlakhnawh caah Phungki Sianginn dihlak a ciam, nunnak liam mi ruak 16 an hmuh.
Midang 30 leng nih hliam an tuar tiah theih a si. Mei nih ciam dih in a kangh mi hna ruak 16 kan hmuh, an muisam a fian ti lo caah ho an si kan thei kho hna lo, nunnak liam mi dihlak fonh minung 20 tluk an si lai zumh a si” tiah tualchung thawng laaknak hrampi Zaw A Lin chungin ṭuanvo ngeitu pakhat a chim. SAC ralhrang cunglei bomb thlakhnawk naak in a kang mi Phungki Sianginn mei-alh zong a tutiang in kan hmit kho rih lo, SAC ralhrang nih hriamngan kah ṭhan an timh timi thawng kan theih caah khua mi dihlak hmunhimnak ah an zaam hna, tiah an langhter chih.
