Tonzaang Ah CNA Hruai Mi Chin Ralkap Le SAC Ralkap Pehtlai In An I Kap
Tonzaang khua ah a um mi Kha-La-Ya (269) SAC ralkap sakhaan cu CNA le CDF ralkap hna nih nizaan May 16 in doh hram an thawk i, nihin May 17 tiang zong ah pehzul in kahdohnak a um, tiah thawng kan theih. CNF/CNA chimnak nawlngei Salai Htet Ni nih, “Tonzaang SAC ralkap sakhaah cu doh hram kan thawk cang. SAC ralkap nih vanlawng in voi 3 bomb a rak kan tlak. ZRA he kan i kah mi a si lo,” tiah nizaan May 16 ah khan Khonumthung ah a chim.
Tonzaang khuami pakhat nih, “Nizaan zinglei in an i kap i, nihin zinglei sml. 4:00 tiang meithal thawng kan theih. Cun, nihin zinglei sml. 8:00 hrawng in i kah thawng kan theih ṭhan. Cu hnu cun meithal thawng kan thei ti lo,” tiah a chim. Tonzaang khuachung i SAC ralkap an umnak Penguk Zung (GAD), Meithat Zung le a dang hmunhma pakhat hi CNA le CDF ralkap pawl nih Drone in an doh i, Tonzaang he meng 3 hrawng a hlatnak lampi zong ah kahdohnak a um, tiah tualchungmi hna nih an chim.
Tonzaang khua kahdohnak ah SAC ralkap lei ah ZRA ralkap pawl an ṭang ti mi thawngpang zong a leng ngai. Asinain, cu thawngpang a dik le dik lo tu cu The Hakha Post nih kan fehter kho lo. Tonzaang khua kahdohnak ah kap hnih hliampu le a thi mi an um le um lo fiang in theih a si lo. Kahdohnak ruang ah Tonzaang khuami zatuak in 20% hrawng cu ramtang ah an zaam hna, tiah theih a si. thawng dang rel hcap, Mizoram CM le CYMA hruaitu hna tonnak an ngei,myanmar ralzaam biometric laak ding kong telhin thil dang dang an ceih.
Mizoram Chief Minister Pu Lalduhoma le Central YMA hruaitu hna cu nizan May 15 ah tonnak an ngei i Myanmar ralzam hna biometric laak ding kong le rithaisii kong telh in thil dang dang ceih hmai tti nak an ngei tiah theih a si. Hi tonnak ah Mizoram CM nih “India cozah prime minister le union home minister hna sinah nawlnak ka tuah bantuk in Myanmar ralzam chinchiah nak Biometric enrolment Portal a um cang i a tak in kalpi a si canglai kong” a chim.
CM pu Lalduhoma nih hin India cozah rian ngeitu hna sinah Myanmar ralzam hna biometric kan laak a si cun Myanmar ram ah nan kua hna lai lo tiah biakam nak a rak hal hna bangin union home minister nih bia a rak kamh caah a tu bantuk in chinchiahnak laak dingkong hmalaak an timh hi a si.
