Ah Khuami An Tuartuk Lai Ti Phan Ah Chikhat Hnu Kan Kir Chungbia A Si
Chin ramkulh,Matupi peng Lailenpi khua ah Maraland Territorial Council/Maraland Defense Force MTC/MDF le Arakan Army – AA pawl an rak luh lio ah hin khuami hna an tuar tuk sual lai ti phan ruang le biaknak lei nih remdaih nak an kan serpiak mi buar kan duh lo caah chikhat hnu kan kir chung bia a si tiah CDF-Mara lei nih an chim. Matupi an laak khawh sinin AA tampi cu mara ram lei ah an rak kai pi hna i July 10 thok khan Lailenpi laak hi an rak i tim cang.July 13 ah khan Lailenpi khua cu an rung lut. Kan karlak ah biaknak lei nih remdaih nak a kan serpiak mi chung ah .
Meithal a puah hmasa mi phu cu remdaihnak a hrawk tu le Mara miphun hna phu khat le phu khat remdaihnak a duh lo mi phu hna tiah thanh an si lai kong an rak chim cang. Cun i kap usih law kanmah thazaang a kan pe tu Lailenpi khuasa mizapi vialte an tuar tuk lai kan phaang .cu caah caan karlak hnu kan tolh bia asi tiah Zalen ah an chim. MDF lei nih cun Lailenpi cu July 16 ah tlamtling tein kan laak khawh cang i ukhruainak zong a rauhhlan ah kan kalpi lai.Mara ram chung ah uknak pakhat le ralkap phu khat lawng a um lai tiah July 22 ah an thanh ve.
Cu kong he pehtlai in CDF-Mara chimphuannak nawl ngeitu nih cun “ruah sur caan chikhat ti lian khi an lo ko lai. Ruah a daih cun an dai than ko lai.lailen pi khua um mi 100 ah 95 cu kan mah CDF-Mara le CC lei ah an ttang. Mi phnihkhat taktak khi MDF a cohlang mi an si hnga maw. Uknak pakhat, ralkap pakhat kan mah lawng kan um lai ti bantuk an chim mi cu AA bochan in hriamnam in kan cawl cang kho ko timi ruahnak tha lo taktak an ngeih caah a si ko.” tiah CBN Daily News sinah a chim ve.
Lailenpi kong he pehtlai in CDF-Mara cu Chinland Council re riantuan tti an si bantuk in CC nih hma a laak ning poah in a tawlrel te lai tiah theih a si. Thawng dang: Kachin ramkulh, Momauk khuapi hngaktu SAC IB 437 sakhaan cu KIA le ttangti phu nih nihin July 24 zanlei sang ah an laak khawh cang caah khuapi cu an laak khawh cang tiah Kachin hrambunh Kachinwaves nih a tarlangh. Momauk khuapi hngaktu SAC IB 437 sakhaan cu nihin zing thok in KIA le ttanti phu nih faak piin an kah than i zanlei sang ah an laak hi a si.
Momauk khuapi lawng si loin Bamaw le Momauk kar um mi SAC sakhaan dang pawl zong an laak khawh tiah theih a si. Momauk khua hngak SAC IB 437 cu an laak khawh cang. Momauk le Bamaw kar um mi sakhaan pawl zong an laak fawn.Momauk tu cu a fiang cang.thil sining dikthlir bel ka thei kho rih lo.” Tiin thawnghram pakhat nih cun a chim. Momauk khuapi laak nakding ah hin KIA le ttangti phu nih a luancia May 7 khan kahdoh hram an rak thok cang i thla 2 leng a rauh hnu ah a khuapi ningin an laak khawh hi a si.
