Breaking News: CNA Le Ṭangṭi Phu Hna Nih Cikha Khuapi Le Tonzang Khuapi An Laak
Chin ramkulh, Tonzang khuapi le Cikha khuapi cu Chinland ralkap CNA le ṭangṭi phu hna nih an laak khawh cang, tiah theih a si. “Nihin 2024, May 19 ah Tonzang peng, Cikha khuapi cu Chinland ralkap CNA le ṭangṭi phu hna nih an laak khawh cang, nihin zing ah kan ralkap hna nih Drone in an luhhnawh hna i SAC ralhrang pawl an um ti lo, kan laak khawh cang” tiah Chinland ralkap CNA in chimphuannak nawlngeitu Salai Htet Ni nih a chim.
Tonzang khuapi le Cikha khuapi cu 2024, May 15 thawk in Chinland ralkap CNA le ṭangṭi phu hna nih an kahdoh cang i nihin 2024, May 19 ah khuapi chung an lut kho cang, tiah theih a si. “Cikha khuapi in a zaam mi SAC ralhrang pawl cu Tonzang khuapi hrambunh SAC ralhrang pawl sin ah an i fonh tiin kan theih” tiah Salai Htet Ni nih a chim. Cu pin ah Tonzang khuapi um palik sakhan le SAC ralhrang sakhanpi telh in SAC ralhrang nih umhmun an khuarnak hmun hna cu.
Chinland ralkap CNA le ṭangṭi phu hna nih an laak khawh cang i khuapi chung zohfelnak (hmunhma thianhliamnak) an tuah liopi a si, atu hi pehtlai in kahdohnak a chuak rih, tiah theih a si. “Tonzang khuapi chung ah pehtlai in kahdohnak a um rih i SAC ralhrang nih nihin May 19 zing zong ah cunglei kahdohnak a tuah rih, cucaah SAC ralhrang pawl an thiang dih cang tiin kan chim kho rih lo” tiah CNA in chimphuannak nawlngeitu Salai Htet Ni nih a chim chap.
Nihin May 19 zing Tonzang khuapi kahdohnak ah CDF – Hualngoram ralkap in kum 26 a si mi pasalṭha 1 nih ram le miphun caah a nunnak a pek, tiah CDF-Hualngoram in ṭuanvo ngeitu Pu Puite nih a chim ve. Thawng dang rel chap, kum 26 chung a tlau cang mi pa 1 cu an innpa hna inntang inn-khan pakhat ah nungdam tein an hmuh, Algeria ram ah kum 26 chung konglam theih lo in a tlau cang mi pa 1 cu an Innpa hna Inntang inn-khan pakhat ah nungdam tein hmuh a si, tiah ṭuanvo ngeitu hna nih an chim.
Omar Ben Oran hi ngakchia kum 10 tluk hrawng a si lio Algeria tualchung kahdohnak a chuah kum 1990 lio khan Algeria khawpi Djerba in a rak tlau tiah an langhter. A tu ah kum 45 a tling cang mi Mr. Ben Oran a ṭhan lianhnak hmun cu metre 200 tluk a thuhnak vawlei taang inn-khan pakhat ah a si.
Hi kong he pehtlai in ṭuanvo ngeitu hna nih thilsual tuahtu ah zumh ruahmi kum 61 pa pakhat an tlaihkhih tiah theih a si. Omar Bin Oran hi kum zeimawzat chung Algeria cozah le Islamist karlak buainak a chuah lio i minung 200,000 tluk konglam theih lo in an um lio caan ah a tlau mi si tiah an langhter chih.
