Breaking News: Hakha Ah Kahdoh Nak Chuak Ve
Halkha ah an i kap lio May 18 , Halkha thar lamruk tonnak ah tuhi Chin ralkap le ralhrang an i kap lio asi caah umkal chawhvah ralrin ding si lai, crd-salai William, Cadang rel chap – SAC ah luh ding timi upadi ruang ah sagaing ramṭhen in PDF lut mi minung 50 nih training an dih, Hramhram in SAC ralhrang ah luh ding timi Upadi ruang ah mizapi ralkap PDF sin ah a lut mi minung 50 nih a voi khatnak raltuk cawnnak (Basic Training) cu tlamtling tein an dih, tiah Sagaing pengkomh Battalion-3 sin in theih a si.
SAC ralhrang ah luh ding timi Upadi duh lo ruang ah mizapi ralkap PDF sin ah a lut mi mino hna telh in training dih lawmhnak cu nizan 2024, May 15 ah an tuah. “Pehtlaihnak a kan tuahtu hi minung 100 leng an si i ṭha tein kan hlat hnu ah minung 50 hrawng hi training kainak nawlngei mi an si, kanmah Battalion lei in chawva lei kan harsat ruang zong ah a si, kan harnak bik cu tangka ah a si ko.
Ralkap thar pakhat kan sin a luh tik ah a ei-din ding, ralthuam, meithal le hriamthil ca ding kan ruah hmasa hau” tiah Sagaing pengkomh Battalion-3 in ṭuanvo ngeitu pakhat nih Tachileik News Agency ah a chim. Battalion-3 nih kan ei-din mi le kahdohnak kan tuahnak ah tangka kan hman pin ah raltuk cawnnawk ca zong ah tangka kan hman rih, tiah a chim. Atu bantuk in SAC ralhrang nih Upadi an chuah mi ruang ah a hlannak in mino hna nih an doh deuh.
SAC ralhrang lei zong an lung aa rual ti lo. Cucaah a rauh hlan ah kan tei cang lai, mizapi zong nih pehtlai in rak kan bawm rih hram uh” tiah a chim chap. Training dih lawmhnak ahcun mizapi ralkap thantar upat peknak le biakamnak an tuah hnu ah Battalion in ṭuanvo ngeitu hna nih biacahnak zong an ngeih hna i training a kai mi hna chung in a thiamhlei mi hna laksawng peknak zong an tuah, tiah theih a si.
Thawng dagn rel chap, rakhine ramkulh, Buthidaung peng chung SAC ralkap sakhan le Byuha Headquarters vialte an laak dih i Buthidaung cu a ningpi in an uk cang kong, AA nih an thanh. Rakhine ramkulh, Buthidaung khuapi ah a um mi, a hnu bik a taang mi SAC ralkap Byuha Headquarters telh in Byuha kuttang Battalion sakhan, chaklei SAC ralkap, hriamnam phurtu Battalion le Dah-Kah-Sah(Sittwe) kuttang Buthidaung hrambunh Battalion sakhan vialte cu AA nih nihin May 18, chun suimilam 12:00 hrawng ah an laak dih, tiah theih a si.
AA nih Buthidaung um SAC ralkap Byuha Headquarters le Battalion sakhan vialte an laak hnu ah sakhan chuahtak in a zaam mi SAC ralkap le AA a dohtu Muslim hriamtlai pawl cu AA nih an dawi hna caah Buthidaung khuapi kiangkap ah kahdohnak a um rih, tiah theih a si. SAC ralkap le Muslim hriamtlai pawl a zaam mi an um caah Buthidaung khuapi kiangkap le khuate lei a um mi tualchung mi zong ralring tein ding ah AA nih thawng an thanh hna.
AA cu chaklei hriamtlai unau he ṭangṭi in 1027 Operation an kalpi chung ah Kyauktaw, Mrauk-U, Minbya, Rathedaung, Ponnagyun, Pauktaw, Myebon, Ramree, Chinram, Paletwa le nihin ah an laak chap mi Buthidaung tiin peng 10 an laak cang. Kahdohnak ah ralbawi telh in SAC ralkap a thong leng AA sin ah an i ap cang, tiah theih a si.
