Chinland Cozah Bu le Chinland Council Chungtel Ralbawi Pawl Ton Biaruahnak an Ngei
Chinland cozah bu ṭuanvo ngeitu hna le Chinland Council chungtel peng le tlang ralbawi hna cu December 3-4 ah ton biaruahnak an ngei tiah theih a si. Cu ton biaruahnak ah cun Chinland Council in hruaitu upa hna, parliament upa hna le judicial (biaceihnak) lei upa hna zong an i tel, tiah Chinland Channel nih a langhter. Chinland cozah hruainak tang ah One Command System ningcang tein a kal khawh nakhnga biapi in ceihhmai a si pin ah a dangdang rian pawl zong ceihhmainak an ngei, tiah theih a si.
Thawng dang. Min Aung Hlaing Tlaihnak Nawl Chuah ding in an Halmi NUG le K2C nih an Dirkamh. Vawlei huap biaceihnak zungpi International Criminal Court (ICC) nih Min Aung Hlaing tlaihnak nawl chuah ding in an halmi kong he pehtlai in NUG le K2C tiah auhmi KNU, KNPP le CNF nih December 1 ah dirkamhnak ca an chuah. SAC ralkap nih Rohingya miphun pawl cung ah tuksum thahnawnnak le nuhrin covo buarnak a phunphun an tuahmi kong ah.
Min Aung Hlaing tlaih khawh a si nakhnga warrant chuah ding in November 27 ah ICC sihni luzik Karim Khan nih halnak a tuah. NUG le K2C zong nih Min Aung Hlaing tlaih ding in halnak an tuahmi an dirkamhnak an langhter i, Min Aung Hlaing dantat khawh a si nakhnga faak piin kan i zuam ve lai, tiah an langhter. Cu lawng si loin, Myanmar rammi hna cung ah tuksum nuhrin covo buarnak pehtlai in a tuahtu.
SAC hi UN, innpa ram hna le vawleicung bu hna nih pehtlaih le komh awk a si lo, NUG le K2C nih an langhter chap. Min Aung Hlaing ding in ICC ah nawl an halnak kong he pehtlai in SAC nih cun, “Myanmar cu ICC chungtel a si lo caah kan cohlang lai lo tiah,” theihternak a tuah.
