Chungtlik Rai A Tlung I A Thi Mi Zong An Um Cang

Mindat peng ah chungtlik rai a tlung i a thi mi zong an um cang, zualral in sii-ai bawmhchanh an herh. chinram, Mindat peng ah a rang ngai mi chungtlik zawtnak a tlung i a thi mi zong an um cang caah zuaral in in sii-ai bawmhchanh an herh kong Mindat peng ralzaam zohkhenhtu Committee ṭuanvo ngei Lawrence nih a chim. Atu hrawng cu Mindat peng chung dihlak ngawt in i chawnh khawh mi chungtlik rai a tlung i a thi mi zong an um caah cheukhat khua hna ah cun khuachung luhnak an phih cang.

Mindat peng zatlang ukhruaitu phu le ngandamnak lei tlaitu phu hna nih siikhan ah sii-ai in an thlop hna pin ah khua kip ah i chawk in an zohkhenh hna i zualral in sii-ai an herh ngaingai, tiah theih a si. Mindat peng chung khua kip ah a cang cuahmah mi zawtnak a si, minung zeizat dah an i chawnh i an zawt cang ti belte fiang in theih a si rih lo. Kannih chungkhar zong atu rai hin kan zaw dih ve i datsa kan i hne i kan i ning deuh ngai. Hi zawtnak hin Aukchaing khua ah minung pahnih an thi cang i.

A tu lio kan dirhmun ah cun sii-ai le datsa tibantuk bawmhchanh kan herh ngaingai ko,” tiah Mindat peng ralzaam zohkhenhtu Committee ṭuanvo ngei Lawrence nih cun a chim.crd- The Chin Post. Thawng dang: Mindat Khuapi In Ralhrial Mi Hna Ca Ah Mindat Peng Ukhruainak Phu Nih Thawng An Thanh. Chin ramkulh, Mindat khuapi in khuate lei ah ralhrial in aa dor mi tualchung mi hna ca ah Mindat peng mizapi ukhruainak phu nih 2024, June 14 ah thawng an thanh.

Mindat khuapi um tualchung mi hna nih khuapi chuahtak in khuate kip ah ralhrial in aa dor mi hna nih bawmhchanh nan herh ahcun Phone: 09404821956, 09427663525 ah nan kan pehtlaih naklai theihternak kan in tuah hna, tiah an langhter. A cunglei ah kan langhter mi Phone number hna in pehtlaihnak nan kan tuah khawh lo ahcun khuabawi, sangbawi, khuakomh hruaitu hna le khua IDP ṭuanvo ngeitu hna sin ah pehtlaih in bawmh hal khawh a si, tiah Mindat peng mizapi ukhruainak phu nih thawng an thanh mi ah an langhter chih.