CNA Le ZRA+SAC Kahdoh Nak Fak Ngaiin An I Kah + Video
CNA le ZRA+Kawl Ralhrang kahdohnak, Tedim peng, Tuitanzang le Zampi karlak i May 17 ah fak ngaiin an i kahnak cu Kawl Ralhrang nih an hun langhter mi asi, thawng dag rel law a tang cem ah a video um lai, Waingmaw peng sac ralkap sakhan 10 cu KIA hruaimi ṭangṭi phu nih an kah i sakhan 4 an laak cang, Kachin ramkulh, Waingmaw peng um SAC ralkap sakhan 10 cu KIA hruai mi tualchung hriamtlai ṭangṭi phu nih an kah i sakhan 4 an laak cang kong, KIA thawng laaknak hrampi nih an chim.
Nihin May 18, zinglei suimilam 5:00 in Waingmaw peng chung ah a um mi SAC ralkap nih hrambunh in an umnak Kazu, Dabat, Gayayan, Shwenyaungpin, Khah-Lah-Yah 321, Deinka, Laiphaung, Bintpukaung le Aungmyae-1 telh in sakhan 10 cu KIA le PDF ṭangṭi phu nih voi khat kah ah an kah, tiah theih a si. Shwenyaungpin ah a um mi Shwemin Pyituhsit sakhan zong an laak cang.
Aungmyae-1 ah a um mi Pyitusit Battalion le SAC ralkap sakhan zong an laak khawh, atu hi sakhan 4 hrawng cu KIA ṭangṭi phu nih an laak cang, kahdohnak ah SAC ralkap nih hriamngan le vanlawng an hman,” tiah KIA thawng laaknak hrampi nih an chim. Nihin May 18 zinglei ah Waingmaw peng, Shwenyaungpin zong ah kahdohnak a fak i SAC ralkap nih an hman mi Helicopter pakhat cu KIA nih an thlak khawh tiah thawngpang a leng nain KIA chimnak nawlngei nih a fehter rih lo.
KIA nih a luancia March 7 ni thawk in Kachin ramkulh chung ah kahdohnak an kalpi i SAC ralkap sakhan 100 hrawng an laak cang, tiah theih a si. Thawng dang relchap, KIA hruai mi dohthlennak hriamtlai phu hna nih sac ralhrang sakhanpi 1 an laak chap, Kachin ramkulh, Danai peng, Nambyu khua um SAC ralhrang sakhanpi cu Kachin ralkap KIA hruai mi dohthlennak hriamtlai phu hna nih nihin May 16 zing ah an kahdoh i an laak khawh, tiah KIA thawng laaknak hrampi nih a chim.
2024, May 16, zing suimilam 7:30 tluk ah Danai peng, Nambyu khua um Khah-Lah-Yiah 297 le Khah-Lah-Yiah 260 hna i ralhmai an sakhanpi cu tlamtling tein an laak khawh, May 11 thawk in mah sakhanpi cu luhhnawh in an kahdoh cang, tiah theih a si. Mah sakhanpi cu SAC ralhrang phu 2 hna i an sakhanpi a si, hriamthil tam ngai zong an laak chih khawh, SAC ralhrang nih cunglei kahdohnak zong a tuah i raltuknak vanlawng in bomb a rak thlak.
SAC ralhrang lei thi mi le hriamthil an laak mi kong cu fiang tein theih khawh a si rih lo” tiah KIA thawng laaknak hrampi nihcun Khit Thit ah a chim, Kachin ramkulh ah KIA hruainak in 2024, May 7 thawk in kahdohnak an kalpi i nihin May 16 tiang ah SAC ralhrang sakhan 90 tluk deng an laak khawh cang, tiah theih a si. Tedim peng CNA le ZRA+Kawl Ralhrang kahdohnak cu mah a link hi https://www.facebook.com/thevoicesofmiepi/videos/1487145925224993 hmeh law a video na zoh khawh lai, crd salai ramhngak page ah lak chinmi si.
