Falam Khuapi Pawng Kahdohnak Ah CNDF Nih SAC Ralkap Pakhat An Hrilh Ee
Chinram, Falam khuapi pawng ah nihin May 13, chun suimilam 12:30 hrawng ah SAC ralkap le CNDF kar kahdohnak a chuak i SAC ralkap pakhat hmunril ah a thih kong CNDF in chimnak nawlngei Salai Timmy Htut nih The Chin Post ah a chim. Nihin chun suimilam 12:30 hrawng ah khan SAC ralkap duty in aa chawk mi le kan naule cu i tong in kaphnih kar kahdohnak a chuak i SAC ralkap pakhat a thi, an i kah caan hi a sau lem lo, SAC ralkap pawl hnu an tolh i kaphnih i kahnak a dai ṭhan.
SAC ralkap thi mi pakhat a um ruang ah an duhnak paoh ah meithal an kah caah kum 7 ngakchia pakhat hliamhme a tuar, atu cu boruak a dai cang ko,” tiah CNDF in chimnak nawlngeitu nih cun a chim. A liamcia 2023 December 18 ni zong ah Falam khuapi, Cimmual sang chung ah CNDF le SAC ralkap kar kahdohnak a rak chuak i, cu ni ah cun Falam khuapi lai lamtonnak ah SAC ralkap Captain pakhat cu CNDF nih an rak fimhlawm.
Thawng dang relchap, kawkareik peng, dawna tlang tang um aung zeya rallam in sac 5 hriamnam he mipi ralkap sin ah an i fonh Kachin ramkulh, Kawkareik peng, Dawna tlang tang um Aung Zeya rallam in SAC ralhrang 5 cu hriamnam he mipi ralkap sin ah an i fonh tiah Tiger White Column chungin ṭuanvo ngeitu pakhat nih Khit Thit Media ah a chim. 2024, May 12 ah Kawkareik peng, Dawna tlang tang um Aung Zeya rallam brigade 55 kuttang in SAC ralhrang 3 hna cu hriamnam he mipi ralkap sin ah an i fonh.
Cu bantuk ṭhiam in a liamcia caan zeimawzat chung zong ah No. 31 Pyuha sin ah pehtlaihnak an tuah i SAC ralhrang 2 mipa ralkap sin ah an rak i fonh cang tiah theih a si. 2024, May 12 ah Kawkareik peng, Dawna tlang ah a rak kai mi SAC ralhrang Aung Zeya rallam cu mipi ralkap nih Rocket hriamngan in an kah hna i thi le hliamtuar an um tiah an langhter chih.
