Kanpetlet Peng Mipi Nih An Hmunram Ah AA An Um Duhlonak An Langhter

Kanpetlet Peng Mipi Nih An Hmunram Ah AA An Um Duhlonak An LanghterChinram, Kanpetlet peng chung ah Kanpetlet peng mipi duhnak le theihpinak tel lo in Rakhine ralkap AA an um mi kong ah an duhlonak an langhter. Kanpetlet peng mipi duhnak le theihpinak tel lo in U Tun Ling Thang, U Mana Naing, U Than Shwe, U Tun Hung le U Thang Naing nih AA an sawm hna hnu in AA ralkap nih hramhram in mino pawl ralkap ah luhter in khua cheukhat ah tangka an khawlh caah atu caan thawk in hi hnu pinlei ah.

Kanpetlet peng chung ah buainak a chuah sual ahcun Rakhine ralkap a sawmtu minung 5 hna nih kan techin fapar tiang ṭuanvo an laak a hau lai. Mah le mah kar ah buainak ngan a chuah hlante ah hin a hlankan in buainak a chuah nakhnga lo rak kan zuampiak u,” tiah Kanpetlet mipi nih nawlnak an tuah. “Kanpetlet hmunram chung ah hin phun thleidannak um lo in tlangcung mi kan unau hna he i ralnak, buaibai hnahnawhnak a chuak bal lo i kanmah pumpak zong nih midang cung ah cu bantuk cu kan tuah bal lo caah midang nih nihsawh thlanglamh mi si kan duh hrimhrim lo.

Hi hnu pinlei zong ah remdaih zalonnak he um kan duh caah atu bantukin kan duhnak kan langhternak a si,” tiah Kanpetlet mipi nih an hmunram chung ah AA ralkap um an duhlonak kong cu nizan July 24 ah cathanh in langhter. Hakha–Thantlang Kar Kahdohnak A Fak, Hliampu Mi SAC Ralkap 50 Hrawng Hakha Siizung An Phan. Chinram, Hakha–Thantlang kar Auto tlang SAC ralkap sakhan ah kaphnih kar kahdohnak a fak i ni 4 chung ah SAC ralkap thi le hliampu an tam caah hliampu SAC ralkap 50 hrawng Hakha siizung an phanh kong, CNF/CNA chimnak nawlngei Salai Htet Ni nih a chim.

Kahdoh bawm ding in motor pahnih in an ra i ke in a kal mi zong an um. Asinain lam tanṭim ah kan kah hna i hliampu mi an tam ngai. Nihin tiang ah hin Hakha siizung ah a um mi SAC ralkap hliampu 50 hrawng an si tiin kan theih i siizung ah minung pahnih an thi cang,” tiah Salai Htet Ni a chim. Hakha–Thantlang kar kahdohnak ah hin SAC ralkap pawl cu Hakha khuapi in hriamngan in kahdoh an bawmh hna pin ah vanlawng zong in an bawmh hna. Nizan July 24, zanlei suimilam 3:30 hrawng zong ah khan kaphnih kar kahdohnak a chuahnak hmun ah SAC ralkap nih raltuknak vanlawng in bomb an thlak nain.

Chinland Council ralkap chung in nunnak liam le hliamtuar mi an um lo kong, CNF/CNA chimnak nawlngeitu nih cun a chim. Hakha–Thantlang kar kahdohnak ah hin Chinland Council ralkap CNF/CNA, CDF-Thantlang, CDF-Hakha, CDF-Lautu, CDF-Zophei, CDF – Senthang, CDF-KKG, People Defence Army – PDA, CDF-Vakok le CDF-Hualngoram tiin Chin hriamtlai phu 10 an ṭangṭi, tiah theih a si.crd- The Chin Post.