KIA Hruaimi Ṭangṭi Phu Nih An Kah I Sakhan 4 An Laak
Waingmaw peng sac ralkap sakhan 10 cu KIA hruaimi ṭangṭi phu nih an kah i sakhan 4 an laak cang, Kachin ramkulh, Waingmaw peng um SAC ralkap sakhan 10 cu KIA hruai mi tualchung hriamtlai ṭangṭi phu nih an kah i sakhan 4 an laak cang kong, KIA thawng laaknak hrampi nih an chim. Nihin May 18, zinglei suimilam 5:00 in Waingmaw peng chung ah a um mi SAC ralkap nih hrambunh in an umnak Kazu, Dabat, Gayayan, Shwenyaungpin, Khah-Lah-Yah 321, Deinka, Laiphaung, Bintpukaung le.
Aungmyae-1 telh in sakhan 10 cu KIA le PDF ṭangṭi phu nih voi khat kah ah an kah, tiah theih a si. Shwenyaungpin ah a um mi Shwemin Pyituhsit sakhan zong an laak cang, Aungmyae-1 ah a um mi Pyitusit Battalion le SAC ralkap sakhan zong an laak khawh, atu hi sakhan 4 hrawng cu KIA ṭangṭi phu nih an laak cang, kahdohnak ah SAC ralkap nih hriamngan le vanlawng an hman,” tiah KIA thawng laaknak hrampi nih an chim. Nihin May 18 zinglei ah Waingmaw peng.
Shwenyaungpin zong ah kahdohnak a fak i SAC ralkap nih an hman mi Helicopter pakhat cu KIA nih an thlak khawh tiah thawngpang a leng nain KIA chimnak nawlngei nih a fehter rih lo. KIA nih a luancia March 7 ni thawk in Kachin ramkulh chung ah kahdohnak an kalpi i SAC ralkap sakhan 100 hrawng an laak cang, tiah theih a si. Thawng dang relchap, FMR hnon le india-myanmar ramri kulh ding kong ah zoro nih duhlonak langhter.
India-Myanmar ramri zalong tein umkalnak nawl Free Movement Regime (FMR) hrawh in India cozah nih ramri kulh a timh mi cu Zo Re-Unification Organization (ZORO) nih nihin May 16 ah India-Myanmar ramri Rih-Zokhuathar kar No.2 hlei cung ah dai tein duhlonak an langhter. India Central cozah nih FMR a hrawh hnu ah India-Myanmar ramri km 1643 in a sau mi cu kulh dih ding in timhlamhnak a ngei.
Zalong tein i tlawnkai khawhnak phung hnon a si tikah Mizoram ah a dor mi ralzam tampi ca ah harnak a chuahpi khawh pinah ramri khuate lei nunphung tampi in a hnursuan khawh. ZORO nih cun pumkhat unau a kan ṭhencheutu a si, tiah India Central cozah nih FMR a hnon mi cu an rak dolhkalh i, duhlonak an langhter lai kong zong an rak thanh cang.
