R.I.P, Thantlang Ralzam Pa Isak Hri-Awh Tiva Ah A Paam
Thantlang in Vailam tlang Thau khuahlun ah aa dor lio mi Pa Isak cu nihin June 1 i hri-awh tiva an kal nak ah van chiat tongin ti ah a paam tiah theih a si. Pa Isak cu Pu Ceu Tling Thang le Pi Sui li Par hna i an fapa a si i Thantlang khua TABC (Ngelcel Sang ) ah khua a rak sa mi an si i ram a buai hnu ah Thau khuahlun ah aa dor mi an si. Nunnak a liam mi Pa Isak chungkhar hmunkip kakip um mi hna CBN Daily News nih nan ngaihchiat nak kan in hrawm pi hna. kan biak Pathian tu nih lungthawn nak in pe hram hna seh.crd- CBN Daily News.
Thawng pang dang rel chap: Aizawl Mincimh Ruangah Harnak Atong Mi A Bawmchan Cuahmah Tu YMA Hna Sinah Aizawl Ralzam Aiawh In NUA Nih Rs-35,000 An Pekchanh Hna A luancia May 28 i Cyclone Remal ruangah Aizawl le a pawngkam ah mincimhnak a chuak i minung 30 leng nunnak a liam. Cutin harnak a tongmi a chanh chuah cuahmah tu YMA hna sinah Aizawl ralzam min put tein Network for Unity Association – NUA nih Rs-35,000 an va pek hna kong NUA nih an tarlangh.
Aizawl Hlimen le Methum khuate i mincimh nak hmun ah bawmh chanh nak rian a ttuan cuahmah mi YMA phu hnih hna sin ah a tu bantuk in bawmhnak phaisa an va pek hna hi a si i thazaang zong in an va tel pi khawh hna. Hi phaisa hi Chin Health Organization – CHO nih Rs 25,000 le midang nih an hlut mi pawl an si. A tutan Aizawl le a pawngkam mincimh ruangah minung 30 leng nunnak a liam i May 30 zanlei tiangah minung 28 ruak char chuah khawh an si cang i thla 6 ngakchia pakhat telhin minung 6 ruak cu kawl cuahmah lio a si.
