Ralzaam Hna Ca Ah Mizoram Ah UNICEF Zung Hon Ding In Pu K. Vanlalvena Nih US Cozah A Hal
Mizoram ramkulh chung ah aa dor mi ralzaam hna bawmhchanhnak ca ah Mizoram ah UNICEF zung hon ding in Rajya Sabha i Parliament chungtel Pu K. Vanlalvena nih US cozah sin ah a hal, tiah theih a si. US ram, Maryland ramkulh ah tuah mi Chin Kum Thar (THO) ah khuallian in sawm mi Sabha i Parliament chungtel Pu K. Vanlalvena nih cun US ram cozah rianṭuantu pawl he tonbiaruahnak an ngeih ah atu bantukin a hal. Pu K. Vanlalvena nih cun October 28 ni ah Washington DC i.
US cozah nichuah lei Asia, nichuah thlanglei Asia le Pacific hmunram lei ṭuanvo ngei Erin Kimsey a va ton i Mizoram ramkulh ah ramzaam bawmhnak ca ah UNICEF zung hon ding in bawmhnak a hal, tiah theih a si. Mizoram cu Myanmar, Bangladesh le Manipur ramkulh in ral ruang ah ralzaam tampi an i dornak ramkulh a si i ralzaam chung ah ngakchia tampi an i tel i an fimcawnnak, ngandamnak, eidin tirawl, hnipuan le umnak ṭha an herh i Mizoram cozah nih a herh mi kong ah harnak kan ton caah Mizoram ah UNICEF zung a ran khawh chung in kan honpiak u,” tiah Pu K. Vanlalvena nih cun a hal hna.
Pu K. Vanlalvena nih a hal mi kong he pehtlai in US cozah i ṭuanvo ngei pakhat Erin Kimsey nih cun, bawmh ding in lehnak a tuah. Cu tonbiaruahnak ah cun Chin Association of Maryland hruaitu a si mi Pu Zo Tum Hmung le Rev. Tim Sienna zong an i tel ve. Atu lio ah Mizoram chung ah Myanmar ralzaam 30,000 leng, Bangladesh ralzaam 2,000 leng le Manipur ralzaam 10,000 hrawng an i dor, tiah theih a si.
Thawng dang relchap, Tanintharyi ramṭhen, Launglon peng ah rallam a sial mi SAC ralkap pawl cu tualchung hriamtlai phu nih voi thum tiang an kah hna i minung 13 hrawng an thih kong, Launglon peng Pah-Kah-Phah nih an chim. A luancia October 12 ni ah Launglon peng, Nyinmaw khua phungki sianginn ah umhmun khuar ding in rallam a sial mi SAC ralkap pawl cu October 13 ah Yinboke khua pawng ah voi khat, October 14 ah Gawtinn khua pawng ah voi khat.
Aukyaehpyu khua pawng ah voi khat tiin tualchung hriamtlai phu nih an kah hna i minung 13 an thih pin ah ralbawi pakhat telh in minung 10 hrawng hliam an pu. Launglon peng i rallam sial mi SAC ralkap pawl nih cun Launglon peng tualchung mi 5 an thah hna, tiah theih a si. Cu kahdohnak ah cun Launglon peng Pah-Kah-Phah, Dawei pengkomh PDF Battalion 1, Dawei pengkomh PDF Battalion 2, Spring Guerilla phu, siangngakchia hriamtlai phu le Dawei pengkomh Drone phu an ṭangṭi, tiah theih a si.
