SAC Nih Bomb An Thlak ruangah Tonzang Peng Biakinn Pahnih A Rawk
Chinram, Tonzang peng Lungtak khua ah May 11 zan, suimilam 9 hrawng ah khan SAC nih vanlawng in bomb an thlak i Biakinn pahnih le tualchung mi umnak inn panga (5) a rawk, tiah theih a si. Tonzang peng chung ah hin Chin National Army (CNA), ṭangṭi phu le Zomi Revolutionary Army (ZRA) kar kahdohnak a fak i Tonzang khua luhchuahnak cu SAC ralkap nih an khar. Vanlawng nih bomb a thlak hlan ah Lungtak, Phaitu le Nakzang khua in tualchung mi thongkhat hrawng cu a himnak hmun ah an i dor hna, tiah theih a si.
Kahdohnak a chuak lai ti kan theihnak a sau cang caah minung thong khat hrawng cu kan rak zaam chung cang i vanlawng nih bomb a thlak lio ah hliam tuar kan um lo,” tiah tualchung mi pakhat nih a chim. Vanlawng bomb thlaknak ruang ah hin Roman Catholic Biakinn pakhat, Zo Baptist Church Biakinn pakhat le inn 5 a rawk, tiah Chin Human Rights Organisation (CHRO) nih an langhter. Thawng peh , tonzaang peng ah sac nih bomb a thlak i khuate 3 in tualchung mi 1,000 tluk cu ral an hrial.
Chin ramkulh, Tonzaang peng, Lungtak khua cu SAC ralhrang nih 2024, May 11 zan ah cunglei in bomb a thlak caah biaknak lei inn 2 telh in inn 4 a rawk i tualchung mi 1,000 tluk cu a himnak hmun kawl in ral an hrial, tiah theih a si. Atu lio cu Tonzaang peng ah Chinland ralkap CNA ṭangṭi phu hna le SAC ralhrang, ZRA kar ah kahdohnak a faak, tiah tualchung mi cheukhat nih an chim. Tonzaang khuapi luhchuahnak cu SAC ralhrang nih an phihkhar ruang ah Lungtak khua, Phaitu khua le Nakzang khua in tualchung mi 1,000 tluk cu a himnak hmun kawl in ral an hrial hna, tiah an chim.
Kahdohnak a um lai ti mi thawng kan theihnak caan cu a sau ngai cang, Mah caah a hlankanh in ral an hrial hna i SAC ralhrang nih raltuknak vanlawng in bomb a thlak nain minung nunnak liam mi le hliamtuar an um lo” tiah tualchung mi pakhat nih Zalen ah a chim. SAC ralhrang nih atu bantuk in kahdohnak a tuah mi ruang ah RC biakinn 1 le ZRB biakinn 1 zong a rawk, tiah theih a si. A luancia May 3 ah Tonzaang khua mi upa hna le biaknak lei hruaitu hna nih Tonzaang peng ah kahdohnak tuah lo ding in cathanh an rak chuah.
