SAC Nih Meithal In Tedim Khuapi Um Nu 1 An Kah
Tedim Khuapi Um Nu 1 Cu SAC Nih Meithal In An Kah Ca Ah A Kut Bul. Chin ramkulh, Tedim khuapi, Leitawhtan sang ah ummi Pi Don Khan Cing cu SAC ralhrang nih meithal in an kah ruang ah a kut khatlei a bul, tiah theih a si. 2024, June 12 ah SAC ralhrang nih Tedimkhuapi, Leitawhtan sang ah ummi Pi Don Khan Cing (Kum 56) cu naihte in a kut ah meithal in an kah ruang ah a kut khatlei a bul, tiah tualchung mi hna sin in theih a si.
SAC ralhrang pawl Leitawhtan sang i an kal lio ah Pi Don Khan Cing Cu lampi cung ah a chuak, mah lio ah SAC ralhrang pawl nih a kut ah naihte in an kah i a kut khatlei a bul” tiah tualchung mi pakhat nih a chim.crd- Lungmili Post. Rel chap,Tedim khuachung kahdohnak ah chin brotherhood lei in ralkap 5 nunnak a liam. Nizan June 12 zinglei ah khan Tedim khuapi ah SAC ralkap nih Chin Brotherhood ralkap pawl cu an kah hna i, Chin Brotherhood lei in ralkap 5 nunnak a liam, tiah theih a si.
A luancia May 26, zaan sml 11 thawk in Chin Brotherhood nih Tedim khuapi um SAC ralkap pawl cu kah hram an rak thawk i, kahdohnak thawng a dai pah nain nizan zinglei 7:30 hrawng in kahdohnak a faak ṭhan, tiah theih a si. Tedim khuapi ah kahdohnak a chuah hnu in tualchung mi 13,000 hrawng cu hmunkip ah an zaam hna i, SAC ralkap nih inn tampi an khangh cang. Tualchung mi cheukhat chim ning ah inn hi a tlawm bik 50 hrawng an khangh cang. Kahdohnak ruangah tualchung mi 4 nunnak a liam i 10 hrawng hliam an pu, tiah theih a si. Nizan kahdohnak kong he pehtlai in tualchung mi cheukhat nih cun.
Dalan thawng peknak ruang ah Chin Brotherhood lei umnak hmun cu SAC ralkap nih an kah i a thi mi zong an tamnak hi a si,” tiah an chim. Chin Brotherhood lei in nunnak a liam mi hna cu Benjamin Thang Sawm Liam(PDF Zoland), Zam Pian Tuang(PDF-Zoland), Khai Sian Suan Sang(PDF-Zoland), Thang Sian San Muang(PDF-Zoland) le Thian Thawng(CNDF) ralkap hna an si, tiah tualchung media Tedim Times nih a langhter. Kahdohnak kong he pehtlai in SAC lei media nih cun PDF 7 an thih pinah hriamnam zong kan laak, tiah an langhter ve.crd- The Chin Post.
