Thi Hlut Awk Ah Nan Min Nan Kan Peknak Lai Kan In Nawl Hna

Thisen (Blood) A Har: 2004 kum in Mizaw hna caah Thisen Bawmhnak kan thawk. Thisen Laang (6800) fai man lo in Kan pek khawh. Nain, a tu lio ni le caan hi Thisen (Blood) a harbik lio caan a si. A ruang cu Thisen Hlutu (Blood Donors) um lo ruang ah a si bik. Hakha khuasa Mino kum (18) a tling cangmi poah nih thi hlut awk ah nan min nan kan peknak lai kan in sawm/nawl hna. Cun, thi a rak hlu bal cangmi hna zong nan Phone le address aa thlen len cang caah a thar in vun kan pehtlai tthan zok ko uh tiah kan in nawl fawn hna.

2004 – 2024 (Nihin) tiang ah thi hlutu(2700) kan si. Nain, kum Upa cangmi, aa tthial cangmi le dam lonak ruang ah Minung tlawmte lawng aa taang cang. Cun, Khrihfa Buu cio zong nih nan Mino hna kha thi hlut awk ah rak kan sawm piak cio hna u law min cazin rak kan tuah piak sawh uh tiah kan in nawl hna. Hihi Hakha ah Kan herh taktak mi a si caah hohmanh daithlan lo ding in upatnak he kan in thanh hna. Pathian rian a si bantuk in Pathian nih thluachuah in pe ko hna seh. Cung Hu- 09400305298. Thawng dang: Falam Khuapi Bank Ah Tangka Chuah Mi An Tam I Ri An Khiahpiak Hna.

Chinram, Falam khuapi chung ah kahdohnak a fak lai ti a phang mi an tam i Bank ah tangka chiah mi aa chuahcia mi an tam caah rihkhiahpiak an si i sing 10 nak tam chuah a ngah lo kong, tualchung mi nih an chim. A luancia zarh hrawng in Falam khuapi um KBZ Bank le Myanmar Economic Bank ah nichiarte ti awk in tangka chuah mi an tam i voi khat chuah ah sing 10 lawng an chuahpiak hna, ni thum chung hrawng cu duh zat paoh an chuahpiak hna nain hnu deuh cun sing 10 nak tam an chuahpiak ti hna lo,

Zarh khat hrawng aa duh ah Bank cauk chiah hmasa a hau i an chuah hna ni he cun zarh hnih hngah a hau” tiah tualchung mi pakhat nih a chim. A luancia May thla dih lei sang ah Chinram chaklei, Tonzaang le Cikha khuapi hna cu Chin ralkap ṭangṭi phu nih an laak hnu in Tedim khuapi zong ah Chin hriamtlai phu unau le SAC ralkap kar kahdohnak pehtlai in a fah caah Falam khuapi zong ah kahdohnak a fak kho mi a si, ti phan ruang ah tangka i chuahcia in hmun dang ah aa ṭhial mi an tam ngai cang, tiah theih a si.

A luancia May 31 ni ah khan Nunphung Innpi ah Falam khuapi um khuanu khuapa le a kiangkap khua 9 in minung 70 leng cu tonbiaruahnak ngei in Falam khuapi boruak kong ceihmainak an ngei i Falam khuapi le a kiangkap khua paoh ralzaam lo ding in le mahle umnak inn cio ah um cio ding in lungtlinnak an ngeih kong, Falam Pawlpi, Falam Committee nih an rak thanh.crd- The Chin Post.