Tonzaang Khua Kahdohnak Ah SAC Ralkap 10 An Thi, Hliamtuar Zeimawzat An Um
Chinram, Tonzaang Khah-La-Ya SAC sakhan kahdohnak cu May 15 khan CNA le CDF ṭangṭi phu nih an thawk i, kahdohnak hi kalpi rih cuahmah a si. May 15-17 tiang kahdohnak ah SAC lei ralkap 10 an thi i, hliamtuar zeimawzat an um, tiah CNA chimnak nawlngei Salai Htet Ni nih The Chin Post ah a chim. Kahdohnak ah aa tel mi Chin ralkap nih an chim ning ah SAC ralkap hi ZRA nih an bawmh hna, tiah theih a si.
Tonzaang khuapi kahdohnak bawm ding ah a kal mi SAC ralkap hna cu Nakzang khua ah Chin ralkap nih an rak kham hna i, SAC ralkap tlaih mi meithal 3 an laakpiak hna. A langhlat in ruak pahnih an hmuh kong Chin ralkap lei nih a chim. Atutan kahdohnak ah hin Chin ralkap lei zong in nunnak a liam mi an um ve i, CNA in ralkap pakhat le CDF-Hakha in ralkap pahnih nih nunnak an pek ve pinah hliamtuar zong an um, tiah kan theih. Kahdohnak ah hin.
SAC lei nih vanlawng zong an hman i, voikhat lebang cu Chin ralkap rual rawl-einak pawng te ah bomb a tla nain vanṭhat ah a puak lo, tiah Chin ralkap pakhat nih a chim,crd- The Chin Post. thawng dang rel chap duh mi caah rel ding kan in peh piak chih hna relchap, Paletwa peng ah AA nih ralkap lut ding in min cazin a laak ca ah chin mino tampi nih paletwa cu an chuahtak, Chin ramkulh, Paletwa peng ah Rakhine ralkap AA nih kum tling mi hna cu ralkap lut ding in min cazin laaknak a tuah hnu in ralkap luh a duh lo mi.
Chin mino tampi nih Paletwa cu chuahtak in an zaamtak, tiah theih a si. Paletwa peng an laak dih hnu in SAC ralhrang pawl an um ti loh tiin ukhruainak a kalpi tu Rakhine ralkap AA nih Paletwa peng chung ah kum 18 in kum 40 karlak pa hna cu ralkap training nan kai hnu in ralkap ah nan lut lai an ti hna kong cu Paletwa tualchung mi hna nih an chim. Atu hi Kalachaung lei ahcun min cazin pawl an laak cang i.
AA sin ah ralkap nan lut lai an ti hna, pyithusit bantuk in ralkap training nan kai lai an ti hna” tiah a himnak ding ca ruah ruang ah min langhter a duh lo mi Paletwa tualchung mi pakhat nih Khonumthung ah a chim. A luancia April thla dihlei zong ah Paletwa peng, Kaladan tiva lei ah um mi tualchung mi mino 40 tluk cu India, Mizoram lei ah an zaam hna. Cu pin ah mi cheu cu Yangon khuapi lei ah an zaam hna, tiah theih a si. Atu hi Paletwa ahcun SAC ralhrang pawl an um tilo nain AA nih minung a khawmhsuat hna.
AA sin ah ralkap lut ding in min cazin an laak, a bik in mino hna an zaamnak a ruang cu mah caah a si” tiah Khumi mino pa pakhat nih a chim ve. Paletwa tualchung mi Pastor pakhat zong nih “Atu lio cu kan dirhmun a ṭha lo ngai, ṭuanvo ngeitu hna nih ṭha tein ṭuanvo an laak khawh lo ahcun miphun kar buainak zong a chuak kho mi dirhmun a si cang, atu hi mino hna cu an um ngam ti lo i a tam-u cu an chuak/zaam cang hna, kum upa deuh mi lawng an taang cang” tiah a chim.
Rakhine ralkap AA nih Paletwa peng a laak hnu in ukhruainak a kalpi i Paletwa peng chung ah a lutchuak mi hna cu anmah (AA) theihpinak catlap an ngeih hnu lawng ah luhchuahnak nawl an pek hna, tiah theih a si. Cu pin ah AA nih Paletwa peng, Mezar khua ah Bangladesh in Rakhine miphun pawl an umnak ding ca ah tiin innhmun a tuaktaan piak hna i innsaknak ding ca ah khua pakhat ah rua/mau 1,000 a laak ter hna, tiah tualchung mi hna sin in theih a si.
