USA Ah Mi Kut Tuar In Chin Mi Pakhat Nunnak Liam
2024, May 13 zaan ah USA khuasa Tv. Sai Lian Mang (kum 34) cu Lake Arrowhead, California Sushi a rianṭuan naak hmun ah mi kut tuar in a nunnak liam tiah theih a si. Mi kut tuar in nunnak liam mi Tv. Sai Lian Mang hi Chin ramkulh, Hakha khuasa (tleicia) Pu Tum Kio le Pi Khin Khin Lay hna an fapa a si i Chin Baptist Church (ICBC) Khrihfabu ah um mi a si tiah an langhter chih,crd- Lungmili Post.
Thawng dang rel chap, Vice President Henry VanThio cu a rian in an chuah hnu ah ralhrang nih inn thong ah an chiah April 22 ah Vice resident Henry Van Thio cu a rian in an chuah hnu ah, ralhrang nih inn thong ah an chiah i phone zong an hmanter lo caah a chungkhar pawl he zong pehtlai kho a si lo tiah theih a si i, Henry Van Thio i personal assistant a si mi Phyo Myint Tin cu chawhvahnak nawl an pek.
Tiah ralhrang secretary Aung Lin Dwe nih a chim. Henry Van Thio cu 2015 election ah teinak a hmuh i, Amyota Hluttaw aiawhtu ah a cang i, 2016 kum March 30 ah,Vice president ah thim a rak si. NLD nih thim mi Vice president Henry Van Thio cu ralhrang hna he a fonh caah, NLD party member sinak in an chuahnak cu 2023 kum August thla ah thanh a rak si. 2016-2021 chung NLD nih zumhnak in rian a tuan ter hnu ah.
Henry Van Thio cu Vice president ah a rak cang nain, atu ah ralhrang pawl he July 31 ah a fonh tiin NLD party nih an thanh. August 8 ah NLD committee nih Henry Van Thio cu party member in chuah ding in, zapi hnatlaknak meeting ah biakhiahnak an rak ngei hna.
